गएको शनिबार बिहान गजुरी गाउँपालिका वडा नम्बर ५ घाटबेसीमा भएको बस दुर्घटनामा हराइरहेकामध्ये एक जनाको शव बिहीबार फेला परेको छ ।
घाटबेसीस्थित त्रिशुली नदीको किनारमा सप्तरीका अभिनन्दन चौधरीको शव फेला परेको इलाका प्रहरी कार्यालय गजुरीका प्रहरी निरीक्षक बरुण सिंहले जानकारी दिनुभयो ।
दुर्घटनामा ३२ जनाको शव फेला परेको थियो भने १६ जना घाइते भएका थिए । दुर्घटनामा हराएका ३ जनामध्ये एक जनाको शव फेला परेपछि मृतकको संख्या ३३ पुगेको छ । प्रहरीलाई परिवारले दिएको जानकारी अनुसर अझै दुर्घटनामा एक बालक र एक किशोरी हराइरहेको र खोजी कार्य जारी रहेको प्रहरीले जनाएको छ ।
सप्तरीको राजविराजबाट काठमाडौंका लागि छुटेको ना ६ ख १४६७ नम्बरको यात्रु बस त्रिशुली नदीमा खसेर दुर्घटना भएको थियो ।
0 comments:
Post a Comment